Cofnodion y Grŵp Trawsbleidiol ar Dai

18.00 dydd Mawrth 5 Tachwedd 2013

Ystafelloedd Pwyllgora C a D, Tŷ Hywel

Yn bresennol

Sandy Mewies AC                       Cadeirydd

Jocelyn Davies AC                      Llefarydd Plaid Cymru ar Dai

Carl Sargeant  AC                       Y Gweinidog Tai ac Adfywio

Keith Edwards                            CIH Cymru (Ysgrifennydd)

Lee Cecil                                             Cymdeithas Genedlaethol Landlordiaid

Douglas Haig                                       Cymdeithas Landlordiaid Preswyl

Julie Nicholas                                      CIH Cymru

John Puzey                                Shelter Cymru

Aaron Hill                                  Cartrefi Cymunedol Cymru

Ceri Cryer                                  Age Cymru

Auriol Miller                               Cymorth Cymru

Jim Bird-Waddington                  Caer Las

Ymddiheuriadau

Peter Black AC, Mark Isherwood AC, John Dysdale TPAS Cymru, Steve Clarke Tenantiaid Cymru a Neil Williams Gofal a Thrwsio Cymru.

Croeso

Esboniodd yr Ysgrifennydd fod y Cyfarfod Llawn yn debygol o barhau tan 19.00, er bod posibilrwydd y byddai'r Cadeirydd a'r Gweinidog yn ymuno â ni cyn hynny. Yn absenoldeb Aelodau'r Cynulliad, trafododd y grŵp y blaenoriaethau cyfredol a gweithgareddau'r dyfodol.

Y wybodaeth ddiweddaraf gan y Gweinidog

Ymunodd y Cadeirydd â'r Gweinidog a Jocelyn Davies AC am 18.25. Byddai'n rhaid i Aelodau'r Cynulliad ddychwelyd i'r Cyfarfod Llawn cyn hir ac felly cytunwyd i gwtogi'r cyfarfod a chanolbwyntio ar ddiweddariad gan y Gweinidog a chwestiynau.

Dywedodd y Gweinidog na allai rannu manylion y Bil Tai arfaethedig gydag aelodau'r Pwyllgor oherwydd byddai hwnnw'n cael ei gyhoeddi ar 18 Tachwedd. Fodd bynnag, dywedodd fod y prif feysydd a oedd yn debygol o gael eu cynnwys yn wybodaeth gyffredin, ac roeddynt yn cynnwys:

· Gwella'r Sector Rhentu Preifat

· Gweithredu i atal digartrefedd

· Safleoedd Sipsiwn a Theithwyr

· Cyflawni Safon Ansawdd Tai Cymru

· Diddymu system Cymhorthdal y Cyfrif Refeniw Tai

· Tai Cydweithredol

Mynegodd Jocelyn Davies AC bryderon ynghylch awgrymiadau y byddai statws cyn-garcharorion yn cael ei newid o ran y blaenoriaethau digartrefedd.  Cafwyd trafodaeth gyffredinol hefyd am yr amserlen a'r broses.

Cyfarfodydd y dyfodol

Ymgynghorir â'r aelodau ynghylch themâu yn ystod yr wythnosau nesaf, a byddai'r Cadeirydd a'r Ysgrifennydd yn cyfarfod i adolygu a chynllunio'r sesiwn gyntaf yn 2014.

Daeth y cyfarfod i ben am 18.45.

Penderfynwyd gohirio'r Cyfarfod Cyffredinol Blynyddol, y bwriadwyd ei gynnal ar ôl y cyfarfod, tan ddyddiad i'w drefnu.